“Roma” ilə müqaviləsi mövsüm sonunda bitəcək Paulo Dibala komandadan ayrıla bilər. İddialara görə, Dibala 14 ildən sonra yenidən Argentinaya qayıda bilər.
90plus.az xəbər verir ki, İtaliya A Seriyası təmsilçisi “Roma”da çıxış edən Dibalanın gələcəyi hələ də dəqiqləşməyib.
“Yuventus”dan ayrıldıqdan sonra 2022-ci ildə “Roma”ya keçən Dibalanın müqaviləsi bu mövsümün sonunda sona çatır. Matteo Morettonun xəbərinə görə, Argentina klublarından “Boka Xuniors” təcrübəli oyunçu ilə danışıqlara başlayıb.
“Roma” isə Dibalaya təklif edəcəyi yeni müqavilədə mövcud maaşından aşağı bir məbləği irəli sürəcək.
Cari mövsümdə “Roma”da 22 oyunda meydana çıxan Dibala 3 qol və 4 məhsuldar ötürmə ilə komandaya töhfə verib.
Dibalanın karyerası
Futbola Argentinada “Instituto”nun altyapısında başlayan Paulo Dibala, 2012-ci ildə “Palermo”ya keçmişdi. Üç il sonra “Yuventus”a transfer olunan oyunçu, 2022-ci ildə “Roma” ilə razılaşdı.
Karyerası boyunca 561 oyunda iştirak edən Dibala 198 qol və 95 asist göstərib.
