Dieqo Simeone "Atletiko Madrid"in "Barselona"ya (1:2) uduzduğu oyunda Ademola Lukmana pressinq zamanı necə davranmaq lazım olduğunu izah edib.
90plus.az xəbər verir ki, bu barədə jurnalist David Vinuesa Malbak məlumat yayıb.
Bildirilir ki, oyunda Tiaqo Almada pressinq zamanı səhvə yol verib və bu epizod Nikolas Qonzalesin əllə oyuna görə sarı vərəqə alması ilə nəticələnib.
Bu hadisədən sonra Simeone dərhal Lukmanı yanına çağıraraq ona yüksək səviyyəli – xüsusilə Çempionlar Liqası kimi turnirlərdə – bu cür səhvlərin yolverilməz olduğunu izah edib.
Jurnalistin sözlərinə görə, həmin qarşılaşmada "Atletiko" sanki bir neçə fərqli oyun yaşayırdı: bir mübarizəni uduzsa da, ümumi savaş hələ davam edir.
Qeyd: Lukman bu matçı ehtiyat oyunçular skamyasından izləyib. Komandalar Çempionlar Liqasının 1/4 final mərhələsində yenidən üz-üzə gələcəklər.
