Azərbaycanlı FİFA referisi Elçin Məsiyev U-21 futbolçulardan ibarət komandalar arasındakı Avropa çempionatının final mərhələsinə təyin olunması haqda AFFA-nn saytına danışıb.

90plus.az xəbər verir ki, o, bu il Slovakiyada keçiriləcək qitə çempionatında öhdəsinə düşəni layiqincə yerinə yetirməyə çalışacağını deyib:

“Çox sevincliyik, olduqca vacib təyinatdır. Bu, A millilərin Avropa çempionatından sonra UEFA-nın milli səviyyəsində ən böyük ikinci turniridir. Bildiyiniz kimi, ötən ilin dekabrında I kateqoriyaya yüksəldim. Bu səbəbdən qısa müddətdə belə mötəbər yarışa təyinat alacağımı gözləmirdim. Bu, bizə güvəndiklərini göstərir. Bu amil ikiqat sevindiricidir. Avropa çempionatında ən yüksək səviyyədə iştirak etməyə çalışacağıq. Hədəfimiz uğurlu idarəçilik etmək və final matçına təyinat almaqdır”.

Qeyd: Avropa çempionatının final mərhələsi 11-28 iyunda 16 komandanın iştirakı ilə baş tutacaq.