Haaland klubun maskotunu vurduğuna görə işi polisə düşüb.

90plus.az xəbər verir ki, "Mançester Siti"nin ulduz futbolçusu Erlinq Haaland bu dəfə futbol xaricində baş verən bir hadisə ilə gündəmə gəlib. Hadisə keçən ilin oktyabr ayında "Saunthempton" ilə oyun öncəsi baş verib. Həmin vaxt Haaland klubun müvəqqəti maskotu olan qadına zarafat məqsədilə arxadan yumruq vurub. Başlanğıcda qadın topun ona dəyiyini düşünüb, amma daha sonra Haaland olduğunu başa düşüb.

Qadın başına dəyən zərbədən sonra çox narahat olub və polisə müraciət edib. "Mançester Siti" məsələyə dair araşdırma aparıb, Haalandın hərəkətlərində pis niyyət görməyib. Lakin, klubun bu hadisənin üstünü ört-bas etməyə çalışdığı iddia edilib. Qadın klubu Haalandı qorumaqda ittiham edərək, şikayətini polisə təqdim edib.