Türkiyə basketbol yığması FIBA 2025 Avropa Çempionatında Serbiyanı məğlub edərək qrup lideri oldu!

90plus.az xəbər verir ki, basketbol üzrə Türkiyə milli komandası 2025 Avropa Çempionatının (EuroBasket 2025) A qrupundakı 5-ci və son matçında Serbiyanı 95:90 hesabı ilə məğlub edib və qrup mərhələsini lider kimi başa vurub.

“12 Div Adam” ləqəbli kollektiv 1/8 finalda B qrupunun 4-cüsü İsveçlə üz-üzə gələcək. Bu qarşılaşma sentyabrın 5-də, şənbə günü keçiriləcək.

Türkiyə qalib gələrsə, 1/4 finalda D qrupunun ikincisi ilə C qrupunun üçüncüsü arasında oynanacaq oyunun qalibi ilə qarşılaşacaq.

Turnirin pley-off təqvimi belədir:

• 1/8 final – 6-7 sentyabr
• 1/4 final – 9-10 sentyabr
• yarımfinal – 12 sentyabr
• final və 3-cü yer uğrunda oyun – 14 sentyabr

Türkiyənin potensial rəqibləri

Türkiyənin 1/4 finaldakı mümkün rəqibləri bu gün – 4 sentyabr, cümə axşamı bəlli olacaq.

D qrupunda 2-ci yeri tuta biləcək komandalar bunlardır: Fransa, İsrail, Polşa və Sloveniya.

 C qrupunda isə 3-cü ola biləcək komandalar Yunanıstan, İtaliya, İspaniya, Bosniya və Herseqovina, eləcə də Gürcüstandır.

Qrup mərhələsində məğlub edilən Serbiya və B qrupunun lideri Almaniya yalnız final mərhələsində Türkiyənin rəqibi ola bilər. Almaniya 1/4 finalda Portuqaliya ilə qarşılaşacaq. Serbiya isə A qrupunu 2-ci yerdə başa vuraraq 1/8 finalda Finlandiya ilə üz-üzə gələcək.