Azərbaycanın daha bir basketbol klubu FIBA Avropa Kubokunda mövsümə start verib.
90plus.az xəbər verir ki, turnirdə debüt edən “Abşeron Lions” Estoniya təmsilçisi “Kalev”i Bakıda qəbul edib. Bakı İdman Sarayında baş tutan qarşılaşma gərgin mübarizə şəraitində keçsə də, nəticədə qonaqlar 93:85 hesabı ilə qələbə qazanıblar.
Xatırlatma: FIBA Avropa Kubokunun I qrupunda yer alan digər Azərbaycan təmsilçisi “Neftçi” də ilk oyununda məğlub olub. Bakı klubu Polşada “Trefl” komandasına 63:92 hesabı ilə uduzub.
