Beynəlxalq futbolda İsrailin işğal altındakı Fələstin torpaqlarında törətdiyi əməliyyatlara görə cəzalandırılmaması FIFA və UEFA-nın “çifte standart” ittihamı ilə üzləşməsinə səbəb olub.

90plus.az xəbər verir ki, İsrailin Qəzza bölgəsində həyata keçirdiyi hərbi əməliyyatlar və mülki əhaliyə qarşı zorakılıqlar beynəlxalq dairələrdə “soyqırım” kimi qiymətləndirilir. Buna baxmayaraq, futbol üzrə beynəlxalq qurumlar hələlik İsrailə qarşı ciddi sanksiya tətbiq etməyib.

Əsas tələblər bunlardır:

İsrailin beynəlxalq futbol turnirlərindən kənarlaşdırılması;

FIFA və UEFA-nın qərarlarında ardıcıllığın təmin olunması və “ikili standart”dan qaçılması;

İnsan hüquqlarının pozulmasına dair faktların nəzərə alınaraq tədbirlərin görülməsi.

Təkliflər arasında İsrailin turnirlərə ev sahibliyi etmək və ya təşkilatçılıq hüququndan məhrum edilməsi də yer alır.

UEFA-nın yaxın günlərdə bu məsələni gündəmə gətirərək İsrailin yarışlardan uzaqlaşdırılması ilə bağlı qərar verməsi gözlənilir. Əgər bu baş versə, İsrailin 2026 Dünya Çempionatının Avropa seçmə mərhələsində iştirakı da sual altında qala bilər.