Raffaele Palladino “Fiorentina” klubunun baş məşqçisi vəzifəsindən istefa vermək qərarına gəlib və dərhal postunu tərk edib.
90plus.az xəbər verir ki, İtaliya mediası Palladinonun klubdan ayrıldığını yazır. Bu qərar,ə komandanın son aylardakı uğursuz nəticələri və azarkeşlərin artan narazılığı fonunda verilib.
Palladino 2024-cü ilin iyun ayında "Fiorentina"nın baş məşqçisi təyin olunmuşdu və klubla 2 illik müqavilə imzalamışdı. Lakin komanda, son 6 oyunda cəmi 2 xal toplayaraq çempionatda altıncı pilləyə gerilədi.
Klub rəhbərliyi Palladinoya dəstəyini ifadə etsə də, nəticələrin yaxşılaşmaması və azarkeşlərin təzyiqləri onun istefasına səbəb olub. Hazırda "Fiorentina"nın yeni baş məşqçi axtarışında olduğu və namizədlər arasında Alberto Aquilani və İqor Tudorun adları çəkilir.
Palladino "Fiorentina"nın baş məşqçisi kimi fəaliyyət göstərdiyi müddətdə komandanın oyun üslubunu dəyişdirməyə çalışsa da, nəticələr istənilən səviyyədə olmayıb.
📰: Acffiorentina; Football İtalia; Tribuna
