Məşhur türkiyəli müğənni Nezə nalayiq bir təklif edilib.
90plus.az xəbər verir ki, sosial şəbəkələrdə "Fənərbağça" konqresinin üzvü olduğu bildirilən Ç.Ö. adlı şəxs sənətçiyə "3-4 min dollara xüsusi nə ola bilər, Nez xanım?" şəklində sual ünvanlayıb.
Nez bu mesajı sosial şəbəkədə paylaşaraq onu ifşa edib.
"Zəhmət olmasa, bu şəxsə iki kəlmə söz yazın. Artıq bezmişəm! Çox əxlaqsız bir insandır. Üstəlik, "Fənərbağça" konqresinin üzvüdür. Profilində uşağının fotosu belə var," – deyə müğənni qeyd edib.
Bu hadisədən sonra "Fənərbağça" klubunun prezidenti Ali Koç məsələyə münasibət bildirib.
O, həmin şəxsin konqres üzvlüyünün dərhal dayandırılmasını və stadionlara buraxılmaması barədə göstəriş verib.
