"Malyorka"nın hücumçusu Vedat Muriki Türkiyə Super Liqasına dönə bilər.
90plus.az xəbər verir ki, "Fənərbağça" sabiq oyunçusunu transfer etmək niyyətindədir.
İstanbul klubu yayda kosovolu forvardı heyətinə qatmaq istəyir. 31 yaşlı futbolçu özü də Türkiyəyə qayıtmaq fikrinə müsbət baxır.
"Malyorka" Murikini 2022-ci ilin yayında "Latsio"dan 8 milyon avroya transfer edib. Kosovo milli komandası üzvü bu mövsüm La Liqa klubunda 24 rəsmi matçda 16 qol və 1 məhsuldar ötürmə ilə yadda qalıb. Təcrübəli hücumçu 2019/20 mövsümündə "Fənərbağça"da çıxış edib.
