Türkiyənin "Fənərbağça" klubunun heyətində ciddi itki baş verib.
90plus.az xəbər verir ki, Super Liqa təmsilçisinin müdafiəçisi Levent Mercan zədələnib. Bu barədə klubun mətbuat xidməti məlumat yayıb.
Futbolçu ölkə çempionatının 27-ci turunda "Qaziantep"ə qarşı keçirilən oyunda xəsarət alıb. Onun sağ ayağının arxa əzələsində yırtıq aşkarlanıb. 25 yaşlı sol cinah müdafiəçisinin təxminən 1 ay yaşıl meydanlardan uzaq qalacağı gözlənilir.
Qeyd: "Fənərbağça" Levent Mercanı 2024-cü ilin yayında "Fatih Karagümrük"dən 2 milyon avroya transfer edib. O, cari mövsümdə İstanbul klubunun heyətində keçirdiyi 23 rəsmi matçda 5 məhsuldar ötürmə ilə yadda qalıb.
