“Fənərbağça”nın futbolçusu Dorgeles Nene İngiltərəyə transfer ola bilər.

90plus.az xəbər verir ki, 22 yaşlı vinger “Tottenhem” tərəfindən transfer olunmaq üzrədir. London klubu bu məqsədlə “Fənərbağça”ya rəsmi təklif göndərib.

Türkiyə təmsilçisinin malili oyunçunu satıb-satmaması hələ dəqiqləşməyib. Nenenin İstanbul klubuyla müqaviləsi 2030-cu il iyunun 30-na qədərdir.

Futbolçu karyerası ərzində “Zaltsburq”, “Liferinq”, “Rid” və “Vesterlo” komandalarında çıxış edib.