İngiltərə yığmasının və “Mançester Siti”nin yarımmüdafiəçisi Fil Foden uşaqları ilə bağlı sosial mediada yayılan yalan məlumatlara görə hüquqi dəstək axtarıb.
90plus.az xəbər verir ki, futbolçu və həyat yoldaşı Rebekka Kuk 6 yaşlı oğulları Ronninin öldüyü və 4 yaşlı qızları True-nun xərçəng xəstəliyinə tutulduğu barədə yayılan saxta məlumatlardan narahatdır.
Naməlum şəxslər valideynlərin kədərini əks etdirən və üçüncü uşaqları ilə bağlı saxta şəkillər, eləcə də süni intellekt vasitəsilə hazırlanan emosional mətnlər yaymaqla bunu həyata keçiriblər.
