Jeremi Frimponq "Liverpul"da: 35 milyon avroluq transfer rəsmiləşmək üzrədir!
90plus.az xəbər verir ki, "Liverpul" yay transfer pəncərəsində ilk böyük addımını atmağa hazırlaşır. "Bayer Leverkuzen"in sağ cinah müdafiəçisi Jeremi Frimponq artıq İngiltərəyə çatıb və "Liverpul"la müqavilə imzalamağa çox yaxındır.
24 yaşlı niderlandlı futbolçu şəxsi təyyarə ilə Liverpul şəhərinə gəlib və tibbi müayinədən keçməkdədir.
5 illik müqavilə və 35 milyon avroluq sərbəstqalma maddəsi
"Liverpul" Frimponqun "Bayer Leverkuzen"lə müqaviləsindəki 35 milyon avroluq sərbəstqalma maddəsini aktivləşdirib. Futbolçunun "Liverpul"la 2030-cu ilin yayına qədər 5 illik müqavilə imzalayacağı gözlənilir.
Frimponüun Leverkuzendəki uğurlu mövsümü
2024/25 mövsümündə Frimponq "Bayer Leverkuzen"in heyətində 47 oyuna çıxaraq 5 qol və 9 məhsuldar ötürmə ilə yadda qalıb. Onun sürətli oyun tərzi və hücumlara verdiyi töhfə Leverkuzenin Bundesliqada və DFB-Pokalda uğurlarında mühüm rol oynayıb.
Trent Aleksander-Arnoldun yerinə?
24 yaşlı niderlandlı müdafiəçinin transferi, "Liverpul"un sağ cinah müdafiəçisi Trent Aleksander-Arnoldun "Real Madrid"ə keçidi fonunda baş verir. Yeni baş məşqçi Arne Slotun Frimponüla yaxın əlaqələri və onun oyun tərzinə uyğunluğu bu transferin həyata keçməsində əhəmiyyətli rol oynayıb.
Frimponqun "Liverpul"a keçidi yaxın günlərdə rəsmi olaraq elan ediləcək.
📰: Sky Sports; The Liverpool Offside; talksport; The Guardian
