“Mançester Yunayted” oyunçuları Ruben Amorimin qovulmasına təəccüblənib, ulduzlar təşəkkür mesajları paylaşıb.
90plus.az xəbər verir ki, “Mançester Yunayted”in heyəti klub rəhbərliyinin “irəliləyişin olmaması” bəhanəsi ilə Ruben Amorimi istefaya göndərməsindən məyus olublar. Məlumata görə, oyunçuların böyük əksəriyyəti portuqaliyalı çalışdırıcıya dəstək verirdi.
Qərarın bir neçə gündür gözlənildiyi, xüsusilə də "Lids" qarşılaşmasında 1-1 hesablı bərabərlikdən sonra Amorimin rəhbərliklə sərt tənqidlərindən sonra oyunçular arasında narahatlığın artdığı bildirilib.
Komandanın aparıcı simaları – Bruno Fernandeş, Hari Maqvayr, Diqo Dalot, Patrik Dorqu, Benjamin Sesko, Bryan Mbeumo, Meyson Maunt və Coşua Zirkzi – sosial şəbəkədə Amorimə təşəkkür mesajları paylaşıblar ki, bu da onun komanda daxilində nə qədər populyar olduğunu göstərir.
Fernandeş “Amorimə və komanda üzvlərinə ən yaxşılarını arzulayıram” deyə yazarkən, Maqvayr “Hər şey üçün təşəkkürlər, baş məşqçi” mesajını paylaşıb.
Bu dəstək əvvəlki illərdə Joze Mourinyonun 2018-ci ildə klubdan ayrılması ilə müqayisədə kəskin fərqlənir; Mourinyonun gedişi zamanı yalnız bir neçə oyunçu belə mesajlar paylaşmışdı.
