“Napoli”nin baş məşqçisi Antonio Konte Skott Maktomineyin “Mançester Yunayted”i tərk edərək İtaliya klubuna qoşulması ilə bağlı fikirlərini bölüşüb.
90plus.az xəbər verir ki, Konte şotlandiyalı yarımmüdafiəçinin meydandakı təsirini yüksək qiymətləndirib və onun meydanda həmişə önəmli rol oynadığını deyib. Lakin təcrübəli çalışdırıcı “Yunayted”in onu kifayət qədər dəyərləndirməməsinə təəccüb etdiyini bildirib:
“Onun komandasının əsas və ya həlledici futbolçusu kimi istifadə olunmadığını gördüm”, – deyə Konte bildirib və bu amilin Maktomineyin “Napoli”yə keçid qərarına təsir etdiyini nəzərə çatdırıb.
Konte etiraf edib ki, “Napoli”nin avrokuboklarda iştirak etməyəcəyi bu mövsümdə Maktomineyin bu addımı atacağına əvvəlcə inanmırdı. Buna baxmayaraq, transferin baş tutmasından məmnun qaldığını vurğulayıb.
Konte bu açıqlamaları ilə göstərib ki, Maktominey “Napoli”yə daha çox oyun vaxtı və aydın rol qazanmaq məqsədilə keçib. İtaliya klubu ona bu fürsəti təqdim edib.
Artıq Maktomineyin gələcəyi 4 illik “Napoli”də müəyyənləşdiyindən, Konte keçmiş mövsümdəki A Seriyası çempionluğunu daha böyük uğurlarla davam etdirməyə çalışacaq.
