İspaniya Kral Futbol Federasiyasının (RFEF) İntizam Komitəsi “Barselona”nın etirazını rədd edib.

90plus.az xəbər verir ki, Kataloniya təmsilçisinin baş məşqçisi Hans Flikin La Liqanın 9-cu turunda “Jirona” ilə qarşılaşmada (2:1) aldığı qırmızı vərəqənin ləğvi ilə bağlı müraciəti qəbul olunmayıb.

Nəticədə Flikə tətbiq olunan bir matçlıq diskvalifikasiya qüvvədə saxlanılıb.

Bu səbəbdən alman çalışdırıcı oktyabrın 26-da baş tutacaq “El-Klasiko”da “Real”a qarşı görüşdə texniki zonada yer ala bilməyəcək.