“Bayern Münhen”in ingilis hücumçusu Harri Keyn UEFA Çempionlar Liqasında qol sayını artırıb.

90plus.az xəbər verir ki, ingiltərəli forvard “Brügge” ilə oyunda (4:0) turnirdə 45-ci qolunu vurub.

Bu göstərici ilə Keyn “Çelsi”nin keçmiş futbolçusu Didye Droqbanı (44 qol) geridə qoyub. Keyn bu uğuru 60 oyunda əldə etmişkən, Droqba 44 qol üçün 92 matçda iştirak etmişdi.

Qeyd: Hazırda UEFA Çempionlar Liqasının bütün zamanlar üzrə ən çox qol vuran oyunçusu Kriştiano Ronaldodur. Onun aktivində 140 qol var.