"Milan"ın sabiq hücumçusu Zlatan İbrahimoviç peşəkar karyerasını bərpa edə biləcəyini etiraf edib. 90plus.az "Sport Mediaset"ə istinadən xəbər verir ki, o deyib: “Fəxr edirəm ki, insanlar məni fərqli rolda olsa belə, yenidən "Milan"da görmək istəyirlər. "Milan" ürəyimdə qalıb. Bu klubda keçirdiyimiz günlər həmişə mənimlədir. Azarkeşlərin bu həvəsi mənə güc verir. Tələsmirəm. Görək, bundan sonra nə olacaq. Cəmi üç həftə keçdi. Ola bilsin ki, yenidən meydanda olacağam. Bəlkə bir aydan sonra "Milan"ın düşərgəsinə qayıdacağam" 41 yaşlı İbrahimoviç İtaliya çempionatının 38-ci turunun “Verona” ilə oyunundan (3:1) sonra futbolçu karyerasını başa vurduğunu açıqlayıb. Hücumçu "Malmö", "Ayaks", "Yuventus", "İnter", "Barselona", "Milan", PSJ, "Mançester Yunayted" və "Los Anceles Qalaksi" kimi klublarda çıxış edib.