“Qalatasaray”ın argentinalı hücumçusu Mauro İkardin ayrıldığı Vanda Nara ilə ortaq olan iki qız övladı haqda paylaşımlar edib.
90plus.az xəbər verir ki, qızları ilə fotoları İnstagram hesabında paylaşan İkardi duyğusal sözlər yazıb:
"Onlar yalan uydurmağa və onları manipulyasiya etməyə davam edərkən, biz qucaqlaşmadan, öpüşmədən anlarımızın dadını çıxarmağa davam edirik. Çox keçməyəcək, mənim şahzadələrim, hər şey öz yerinə düşəcək. Sizi sevirəm və darıxıram".
Növbəti paylaşım:
"Balaca şahzadələrim, bu gün yol qaranlıq olsa da, unutmayın ki, işıq həmişə geri qayıdacaq. Qəlbimizdə daşıdığımız sevinci və bizi birləşdirən sonsuz sevgini heç bir şey söndürə bilməz. Tezliklə bir-birimizə sarılacağıq, qorxmadan güləcəyik və layiq olduğumuz xoşbəxtliyi yaşayacağıq.
Heç vaxt sevgimizin gücünə inanmağı dayandırmayın, çünki bu sevgi hər bir fırtınadan daha güclüdür. Mən həmişə yanınızda olacağam, həmişə sizin üçün mübarizə aparacağam. Tezliklə, çox tezliklə, yenə birlikdə gülümsəyəcəyik."
