İngiltərə Çempionşip klublarından "Şeffild Uenzdi"yə maliyyə problemləri və tətbiq edilən qərarın ardından 12 xal silinmə cəzası verilib.

90plus.az xəbər verir ki, İngiltərə Futbol Liqasının (EFL) rəsmi açıqlamasında bildirilib:

“EFL, ‘Şeffild Uenzdi’ klubunun sahibi Dejfon Çansirinin həm klub, həm də ona məxsus şirkət üçün idarəçilər təyin etmək istiqamətində lazımi addımlar atdığı barədə rəsmi bildirişi aldığını təsdiqləyib. Bu inkişaf, bütün klublar tərəfindən qəbul edilən qaydalara əsasən avtomatik şəkildə 12 xalla cəzalandırılma ilə nəticələnib. Bununla yanaşı, bu addım ‘Şeffild Uenzdi’ klubuna yeni sahiblik altında uğurlu satış və sabit gələcək üçün fürsət yaradır.”

İngiltərə mediası daha əvvəl İngiltərə Gəlir və Gömrük İdarəsinin klub barəsində tasfiye ərizəsi təqdim etməyə hazırlaşdığını açıqlamışdı.

Bu qərardan sonra 24 komandadan ibarət Çempionşipdə cəmi 6 xalla sonuncu pillədə qərarlaşan "Şeffild Uenzdi" xallarının silinməsi ilə -6 xala düşüb.