“Tottenhem” Tomas Frenklə yollarını ayırdı.

90plus.az xəbər verir ki, İngiltərə Premyer Liqa təmsilçisi “Tottenhem” baş məşqçi Tomas Frenklə yolların ayrıldığını rəsmən açıqlayıb. Qərar komandanın “Nyukasl Yunayted”ə 1:2 hesablı məğlubiyyətindən sonra verilib.

London klubu Premyer Liqada son 8 oyunda qələbə qazana bilməyib və uğursuz nəticələr rəhbərliyi dəyişiklik etməyə vadar edib.

Tomas Frenk İngiltərədə ilk olaraq “Brentford”u çalışdırıb və 2018–2025-ci illər aralığında 317 oyunda baş məşqçi kimi fəaliyyət göstərib. “Tottenhem” 2025-ci ilin yayında Anje Postekoqlu ilə yollarını ayırdıqdan sonra komandanı məhz Frenkə tapşırmışdı.

Hazırda Premyer Liqada 26 turdan sonra 29 xal toplayan “Tottenhem” turnir cədvəlində 16-cı pillədə qərarlaşıb.

Buna baxmayaraq, London təmsilçisi UEFA Çempionlar Liqasında qrup mərhələsini 17 xalla 4-cü sırada başa vuraraq pley-off mərhələsinə yüksəlib və son 16 turunda mübarizəni davam etdirəcək.