İngiltərə Premyer Liqasının 6-cı turunda baş tutan "Brentford" – "Manchester United" qarşılaşmasında qonaq komanda 1:3 hesabı ilə məğlub olub.

90plus.az xəbər verir ki, "Mançester Yunayted"in qapısını qoruyan türk qapıçı Altay Bayındır matçda 3 qol buraxsa da, göstərdiyi performans İngiltərə mətbuatında birmənalı qarşılanmayıb.

"Brentford"un qollarını 8 və 20-ci dəqiqələrdə İqor Tiyaqo, əlavə olunmuş vaxtda isə (90+5) Matis Yensen vurub. "Yunayted"in yeganə qoluna isə 26-cı dəqiqədə Benyamin Sesko imza atıb.

Altay Bayındır görüş ərzində 3 qola mane ola bilməsə də, 5 əla seyv ilə yadda qalıb. İngilis mətbuatı onun çıxışını müxtəlif cür dəyərləndirib – bir tərəf təcrübəli qapıçının fərqi böyüməsinin qarşısını aldığını, digər tərəf isə mövqelərdə zəif dayandığını qeyd edib.

İngiltərə mətbuatından seçmələr:

• The Standard: "Markalı bir gün deyildi. İlk qolda heç nə edə bilmədi. İkinci qolda isə səhv mövqe seçimi ilə topu qapısından keçirdi. Amma Van den Berq və Kollinsin zərbələrini möhtəşəm qurtardı."

• Daily Mail: "Üç qolda da günahı az idi. Lakin uzun ötürmələrdə və cərimə meydanında bir qədər çətinlik yaşadı."

• Manchester Evening News: "İlk hissədə arxa-arxaya etdiyi seyv'lər komandanı oyunda saxladı. Amma son dəqiqələrdə uzaq məsafədən vurulan qola mane ola bilmədi."

• Manchester World: "İlk qolda heç nə edə bilməzdi. Ancaq digər iki qolda daha yaxşı çıxış etməli idi."

• Goal: "Ouattaranın zərbəsini təsirli şəkildə dəf etdi, lakin ikinci qolda zəif qaldı."

• Express: "İlk qolda şansı yox idi. Amma ikinci qolda topu birbaşa Tiyaqoya yönəldərək səhvə yol verdi. Üçüncü qolda mövqe seçimi uğursuz idi."

• United in Focus: "Heç bir qolda birbaşa səhvi olmadı, amma daha keyfiyyətli qapıçı ən azı birini çıxara bilərdi. Bu təcrübə artıq sona çatmalıdır."

• Vavel: "Altay ikinci qoldan əvvəl komandasını oyunda saxlayan əla seyv'lər etdi. Lakin ikinci qolda daha yaxşı reaksiya verə bilərdi."

• The Busby Babe: "Bu mövsümki ən yaxşı oyunu idi, amma sonuncu qolda daha yaxşı mövqe seçə bilərdi."