İtaliya A Seriyasında “İnter” evdə “Cenoa” ilə qarşılaşaraq 2-0 hesabı ilə qalib gəlib. Qələbə golları Dimarko və Hakan Çalhanoğlu tərəfindən vurulub.

90plus.az xəbər verir ki, Çempionlar Liqasından kənar qalan “İnter” diqqətini A Seriyasına yönəltdi. Liqanın 27-ci turunda İtaliya nəhəngi “Cenoa”nı Giuseppe Meazza stadionunda qəbul etdi.

Ev sahibi komanda 31-ci dəqiqədə Dimarko və 70-ci dəqiqədə Hakan Çalhanoğlunun qolları ilə matçı 2-0 hesabı ilə tamamladı və liderliyini qorudu:

İnter 2 - 0 Cenoa 
F. Dimarko 31’
H. Çalhanoğlu 70’ (p) 

Bu qələbə ilə “İnter” 67 xala çatdı və oyun sayı üstünlüyü ilə ikinci pillədəki “Milan” ilə xal fərqini 13-ə çıxardı. “Cenoa” isə 27 xalla yerində qaldı.