Di Marzio-nun məlumatına görə, “İnter” “Atalanta”ya nigeriyalı hücumçu Ademola Lukman üçün rəsmi təklif göndərib.
90plus.az xəbər verir ki, Kriştian Çivunun rəhbərlik etdiyi “neradzurra” klubunun bu təklifi 42 milyon avro və 3 milyon bonus olmaqla ümumilikdə 45 milyon avro dəyərindədir. Bu, “Atalanta”nın əvvəlki 40 milyon avroluq təklifi rədd etməsindən sonra irəli sürülən daha yaxşı bir təklifdir. Berqamo təmsilçisi 27 yaşlı sabiq “Leypsiq” futbolçusunu təxminən 50 milyon avro dəyərində qiymətləndirir.
Təklifə son tarix də daxil edilib və “İnter” hazırda “Atalanta”nın cavabını gözləyir. Lukman şəxsi razılıq məsələsində artıq “İnter”lə ortaq məxrəcə gəlib və bu kluba keçməyə ciddi maraq göstərir.
“İnter”in prezidenti Cüzeppe Marotta danışıqların tezliklə yekunlaşacağını vurğulayıb: “Gizlətmirəm, qarşıdakı iki-üç gün ərzində “Atalanta” ilə danışıqların sonuna çatacağıq.”
Yekun qərar Marotta ilə “Atalanta”nın baş icraçı direktoru Luka Perkassi arasında keçiriləcək həlledici görüşdən sonra verilə bilər.
