A Seriyasının nəhəng klubu “İnter” baş məşqçi postunda dəyişiklik etdiyini rəsmi olaraq açıqlayıb.

90plus.az xəbər verir ki, bir neçə gün əvvəl Simone İnzagi ilə yollarını ayıran klub onun yerinə Kristian Kivunun gətirildiyini bəyan edib. Rumıniyalı mütəxəssis futbolçu kimi də “İnter”də çıxış etmiş və azarkeşlərin yaddaşında iz qoymuş isimlərdən biridir. Kivu son olaraq “Parma” klubunda baş məşqçi vəzifəsində çalışıb. O, daha əvvəl “İnter”in akademiya komandalarında da məşqçilik təcrübəsi qazanıb.

"Parma"da qısa, amma diqqətçəkən performans

Kristian Kivu “Parma”nın sükanı arxasında 13 oyuna çıxaraq, 1.23 xal ortalaması ilə yadda qalıb. Bu təcrübə onun “İnter”in əsas komandasında rəhbərlik etməsinə zəmin yaradıb.

“İnter” rəhbərliyi bu təyinatla həm sabiq oyunçusuna güvəndiyini, həm də klubun ruhuna uyğun bir istiqamət seçdiyini nümayiş etdirib.