İspaniyalı hakimə ölüm təhdidləri gəlir.
90plus.az xəbər verir ki, İspaniyada yaxın günlərdə şokedici bir hadisə baş verdi. Keçən həftə sonu hakim Karlos del Serro Qrande bir pankartla ölüm təhdidi aldı. Bu hadisə hakimlər arasında böyük etirazlara səbəb oldu.
Hadisənin ardından İspaniya Hakimlər Birliyi bir açıqlama yayımladı. Açıqlamada "Sərt tədbirlərin alınması" lazım olduğu vurğulandı.
Hakimə pankartlı ölüm təhdidi: Sərt tədbirlər alınmalıdır
"Bu həftə sonu alnında hədəf taxtası olan həmkarımız Karlos del Serro Qrandenin adı və vizualının yer aldığı bir pankartın ortaya çıxması ilə əlaqədar olaraq peşəkar hakimlər olaraq bu qəbuledilməz hərəkətləri ən güclü şəkildə pislədiyimizi bildirmək istəyirik.
Bu vəziyyətin şifahi zorakılığın birbaşa nəticəsi olduğuna inanırıq. Gərginliyi azaltmağa kömək etməkdən uzaq, əksinə bəzı ictimai şərhlər bu cür davranışları təşviq edir və cəmiyyətimizə qarşı getdikcə daha düşməncəsinə bir mühit yaradır.
Bir müddətdir bu hadisələrin ciddiliyi və yalnız peşəkar fəaliyyətimizi deyil, həm də şəxsi və ailə həyatımızı təsir etdiyi, müxtəlif növ xoşagəlməz hallarla üzləşdiyimiz barədə xəbərdarlıq edirik.
Bu gün bir pankart idi. Bəs sabah nə olacaq? Nə gözləyirik?
Təəssüf ki, bu zorakılıq futbolumuzun və digər idman növlərinin alt quruluşuna da yayılmağa başlamışdır; hər həftə sonu çoxlu sayda aqressivlik halları yaşanır və çox vaxt səlahiyyətli qurumlar lazımi diqqəti göstərmirlər.
Bu zorakılıq davranışlarının aradan qaldırılması üçün qətiyyətli, təcili və effektiv tədbirlərin alınması və buna görə də onları təşviq edən və ya qanuniləşdirənlərə qarşı tədbir görülməsi üçün əlaqədar qurumların məsuliyyət daşımalarının vaxtı gəlib çatmışdır.
Həmçinin, məsələyə ən geniş şəkildə yanaşmaq və təhkim komandasındakı bütün üzvlərin təhlükəsizliyini və şərəfini qorumaq məqsədilə ortaq hüquqi addımlar atacağımızı bəyan edirik."
