İtaliyanın "Komo" klubunda ciddi itki qeydə alınıb.

90plus.az xəbər verir ki, komandanın hücumçusu Alvaro Morata zədələnib.

İspaniyalı futbolçu A Seriyasının 14-cü turunda "İnter"lə səfərdə keçirilən qarşılaşmada (0:4) xəsarət alıb. 33 yaşlı forvardın təxminən 3 ay meydana çıxa bilməyəcəyi bildirilir.

Xatırlatma: "Komo" Moratanı mövsümün əvvəlində "Milan"dan icarə əsasında heyətinə qatıb. İspaniya millisinin üzvü A Seriyası klubunun formasında keçirdiyi 15 rəsmi qarşılaşmada bir məhsuldar ötürmə ilə yadda qalıb.