İsveç milli futbol komandasının baş məşqçisi Yon-Dal Tomasson Azərbaycan yığmasına qarşı Millətlər Liqasının qrup mərhələsi oyunundan öncə mətbuat konfransında danışıb.

90plus.az xəbər verir ki, İsveç yığmasını 4 oyuna çıxaran mütəxəssis öncə  komandası barədə belə deyib:

"İşə yeni başlamışıq. Gündən-günə yaxşı oynayırıq. Hazırda fərqli futbolçuları sınaqdan keçiririk. Sabahkı matçda mütləq qələbə qazanmalıyıq. Futbolçularımın qürurla çıxış etməsini gözləyirəm".

Azərbaycan millisi haqda: "Son oyunlarının hamısını izləmişik. Azərbaycan millisi evdə çox yaxşı oynayır. İsveç üzərində də daha əvvəl 3:0 hesablı qələbə qazanıblar. Təbii ki, sabahkı oyunun eyni cür yekunlaşmasını istəmirik".

Fernandu Santuşun komandaları ultramüdafiə ilə seçilir. İsveç yığmasında isə 2 super hücumçu var: "İlk növbədə onu deyim ki, ümumilikdə biz hücumameyilli futbol oynamaq fikrindəyik. Bunu həm federasiya rəhbərliyi istəyir, həm mən, həm də komanda. Ancaq sabahkı matçda tək hücumla iş bitmir. Müdafiəni də unutmaq olmaz. Sabah hər iki hücumçumuz meydanda olacaq.

Start heyəti: "Bəli, artıq beynimdə seçim etmişəm".

Qeyd: Tofiq Bəhramov adına Respublika stadionunda baş tutacaq Azərbaycan - İsveç oyunu sabah saat 20:00-da start götürəcək.