Ciro Immobileyə qarşı saxtakarlıq ittihamı – Futbol məktəbi bağlandı.

90plus.az xəbər verir ki, İtaliyanın tanınmış hücumçusu Ciro Immobilenin rəhbərlik etdiyi futbol məktəbi “Immobile Academy – Centro Sportivo Parlati” möhürlənib. Hadisə ilə bağlı Ciro Immobile başda olmaqla, onun ailə üzvlərindən 6 nəfər barəsində hüquqi prosedura başlanılıb.

İtaliyanın nüfuzlu nəşrlərindən olan La Gazzetta dello Sportun xəbərinə görə, Torre Annunziata Prokurorluğu iddia edir ki, Torre del Greco şəhərində yerləşən idman obyektində tikinti qaydalarının pozulması və təhlükəli tullantıların qanunsuz şəkildə utilizasiyası halları qeydə alınıb.

Prokurorluğun açıqlamasında bildirilir ki, şübhəli şəxslər ətraf mühitin mühafizəsi zonasında yerləşən ərazidə müvafiq icazələr olmadan tikinti işləri aparıb, bəzi sahələrdə isə meşəlik əraziləri avtodayanacaq məqsədilə qazaraq asfaltla örtüblər.

Hazırda məsələ ilə bağlı araşdırmalar davam etdirilir.