Joao Feliks “Benfika”ya qayıda bilər – ulduz futbolçu açıqladı.

90plus.az xəbər verir ki, portuqaliyalı ulduz Joao Feliks karyerasına başladığı kluba – “Benfika”ya qayıda biləcəyini istisna etməyib. “Atletiko Madrid”in hücumçusu bu barədə “CM Jornal”a danışıb:

 “Baş məşqçinin Bruno Laqe olduğunu görmək – karyeramda mühüm rol oynamış birisi – qərarıma təsir edir. “Benfika”ya qayıtmaq fikri mənə çox yaxın gəlir”, – deyə Feliks bildirib.

Gənc forvard həmçinin vurğulayıb ki, hazırda ən çox meyil etdiyi yer məhz Lissabon təmsilçisidir:

 “Bəlkə də ən çox meyil etdiyim yer məhz buradır”.

Qeyd: Joao Feliks “Benfika”da parlayaraq Avropanın ən bahalı gənc istedadlarından birinə çevrilmiş və 2019-cu ildə rekord məbləğə “Atletiko Madrid”ə transfer olunmuşdu.