Rusiyanın “Krasnodar” klubunda çıxış edən “Qarabağ”ın keçmiş futbolçusu Kadi Borges uzunmüddətli zədədən sonra sıraya qayıdıb. 90plus.az xəbər verir ki, bu barədə braziliyalı yarımmüdafiəçinin agenti Helsio Alisk “Sport-Express” nəşrinə açıqlamasında bildirib. O bildirib ki, 27 yaşlı oyunçu Moskva “Spartak”ına qarşı Rusiya Kubokunun qrup mərhələsinin ilk tur matçında meydana çıxa biləcək. Görüş iyulun 27-də baş tutacaq. Xatırladaq ki, Kadi ötən mövsüm Premyer Liqanın XXIV turunda “Spartak”ın müdafiəçisi Georgi Cikiya ilə hava toqquşması zamanı ciddi xəsarət almışdı. Qarşılaşma aprelin 27-də keçirilmişdi.