“Mançester Siti”nin yarımmüdafiəçisi Kevin De Brüyne klubla müqaviləsini uzatmaq imkanlarından danışıb.

90plus.az xəbər verir ki, De Brüynenin son ili olacağını bildirib:

“Mövsümün əvvəlində danışıqların olacağını bilirdim, lakin sonra “Brentford”la oyunda zədələndim. Müqaviləmlə bağlı danışıqlar olmalıdır. Əgər olmasa, bu mənim klubdakı son ilim olacaq. Dürüst olmağa çalışıram. Mən sadəcə yaxşı futbol oynamaq istəyirəm və gələcəyin nə gətirəcəyini birlikdə görəcəyik”, - Kevin mətbuat konfransında deyib.

Qeyd: 33 yaşlı futbolçu 2015-ci ildən “Mançester Siti”də çıxış edir. Bu müddət ərzində o, bütün turnirlərdə 391 matçda iştirak edib, 103 qol vurub, 171 məhsuldar ötürmə edib. Belçikalı yarımmüdafiəçinin klubla hazırkı müqaviləsi 2025-ci ilin yayında başa çatır.