“Barselona” Lamina Yamalı mediadan müvəqqəti uzaqlaşdırdı.

90plus.az xəbər verir ki, “Barselona” gənc ulduzu Lamin Yamalın imic tədbirlərini və media fəaliyyətlərini müvəqqəti dayandırıb. Klub futbolçunun sponsorlarından biri ilə planlaşdırılan tanıtım tədbirini ləğv edib və “Sky Italia”ya nəzərdə tutulan müsahibəni də təxirə salıb.

Məlumata görə, katalon klubu Yamalın agentlərinə bunun üçün uyğun vaxt olmadığını bildirib. Klub rəhbərliyinin məqsədi gənc futbolçunun diqqətini qorumaq və onu psixoloji təzyiqdən uzaq saxlamaqdır.

Son günlər Yamalın davranışları ilə bağlı müzakirələr artdığı üçün “Barselona” rəhbərliyi belə addım atmağa qərar verib. Klub onun inkişaf prosesi və konsentrasiyasını ön planda saxlayır.

17 yaşlı futbolçunun yaxın günlərdə daha sakit medi mühiti ilə işinə fokuslanacağı gözlənilir. “Barselona” Yamalı qoruma strategiyasını davam etdirəcək.