UEFA Konfrans Liqasında 1/8 final mərhələsinin ilk oyunlarına start verilib. Türkiyə təmsilçisi "Samsunspor" bu mərhələdə İspaniyanın La Liqa klubu "Rayo Valyekano" ilə qarşılaşıb.
90plus.az xəbər verir ki, görüş "Samsunspor"un meydanında baş tutub. Matç qonaq komandanın üstünlüyü ilə yekunlaşıb. "Rayo Valyekano" rəqibini 3:1 hesabı ilə məğlub edərək cavab oyunu öncəsi ciddi üstünlük qazanıb.
Bu nəticədən sonra "Samsunspor"un növbəti mərhələyə yüksəlmək şansı xeyli azalıb. Türkiyə təmsilçisi 19 mart tarixində İspaniyada keçiriləcək cavab matçında mərhələ adlamaq üçün ən azı 3 top fərqi ilə qalib gəlməlidir.
