RƏSMİ: Anxel Korreya “Tigres” klubuna keçdi – 5 illik müqavilə!
90plus.az xəbər verir ki, argentinalı hücumçu Anxel Korreya karyerasını Meksikada davam etdirəcək. Uzun illər “Atletiko Madrid”in formasını geyinən futbolçu “Tiqres” klubu ilə rəsmi müqavilə imzalayıb. Bu barədə tanınmış jurnalist Fabrisio Romano məlumat yayıb.
Mənbənin bildirdiyinə görə, tərəflər artıq may ayında ilkin razılığa yaxın idilər. Danışıqlar müsbət nəticələndikdən sonra müqavilə bu günlərdə rəsmiləşdirilib. 29 yaşlı futbolçu ilə 5 illik müqavilə imzalanıb.
Korreya 2014-cü ildən bəri “Atletiko Madrid”də çıxış edirdi və bu müddətdə klubla bir sıra titullara sahib çıxmışdı. Hücumçunun son illərdə əsas heyətdəki rolu azalsa da, o, hələ də yüksək səviyyədə çıxış edə biləcəyini sübut etmişdi.
“Tiqres” klubu bu transferlə hücum xəttini gücləndirməyi planlaşdırır. Klub rəhbərliyi Korreyanın təcrübəsi və texnikasına böyük ümid bəsləyir. Korreya artıq Meksikaya yollanıb və yaxın günlərdə ictimaiyyətə təqdim olunacaq.
Qeyd: Bu transfer Anxel Korreyanın Avropa karyerasında yeni bir mərhələnin sonu, Meksika çempionatında isə ulduz bir oyunçunun başlanğıcı kimi qiymətləndirilir.
