Lamin Yamal imza verməklə bağlı yeni qərar qəbul etdi.

90plus.az xəbər verir ki “Barselona”nın parlayan ulduzu Lamin Yamal ilə bağlı maraqlı bir hadisə yaşanıb. 18 yaşlı futbolçu aldığı yeni ticarət təklifindən sonra diqqətçəkən bir qərar verib.

İspaniyanın Mundo Deportivo nəşrinin yaydığı xəbərə görə, Yamal məşhur idmançıların imzalı məhsullarını satan bir veb saytla əməkdaşlıq etməyə hazırlaşır. Bu əməkdaşlıq onun reklam müqavilələrini idarə edən agentlik tərəfindən imza verməməsi ilə bağlı göstərişə səbəb olub.

Tərəfdarlarla münasibətlərinə böyük önəm verən Lamin Yamal bundan sonra da onlarla fotoşəkil çəkdirməyə davam edəcək. Lakin “Barcelona”nın mövcud ticarət öhdəlikləri səbəbindən futbolçu artıq imza verməyəcək.

Bu qərar xüsusilə azarkeşlər arasında birmənalı qarşılanmayıb. Bəziləri Yamalın ticarət fəaliyyətlərini artırmasına dəstək versə də, bəziləri imzalı xatirə məhsullarına əlçatımın məhdudlaşdırılmasına görə narahatlığını ifadə edib.

Qeyd:Lamine Yamal 2023/24 mövsümündə “Barcelona” forması ilə göstərdiyi performansla qısa zamanda dünyanın ən çox diqqət çəkən gənc oyunçularından birinə çevrilib.