“Liverpul”un sabiq “Mançester Siti” futbolçusu və hazırda “Atletiko Madrid”in ulduzu olan Xulian Alvaresi transfer etmək istəyi ilə bağlı yayılan şayiələrin reallaşmayacağı gözlənilir.

90plus.az xəbər verir ki, mart ayında “Mançester Yunayted”in keçmiş baş skautu Mik Braun “Football Insider”ə açıqlamasında “Liverpul”un Alvaresi izlədiyini desə də, indi onun transferi üçün rəsmi addımın atılması “çox az ehtimal olunan” hesab olunur.

Transferin baş tutmamasının əsas səbəbləri “Liverpul”un artıq hücum xəttinə yeni futbolçular gətirməsi ilə bağlıdır. Klubun Aleksander İsak və Hyuqo Ekitikeyi heyətinə qatması əlavə hücumçuya olan ehtiyacı aradan qaldırıb.

Digər maneə isə yüksək qiymətləndirmədir. İspaniya klubunun əsas oyunçularından biri olan Argentina millisinin üzvü Alvares “Atletiko” tərəfindən 100 milyon funt-sterlinqdən baha qiymətləndirilir. Son hücumçu transferlərinə xərclənən vəsait fonunda bu məbləği ödəmək “Liverpul” üçün çətin görünür.

Alvares zədə səbəbindən UEFA Çempionlar Liqasında “Enfild”də keçirilən “Atletiko” – “Liverpul” görüşünü buraxmışdı. Bununla belə, o, “Mançester Siti”dən klub rekorduna görə transfer olunduqdan sonra “Atletiko”nun aparıcı futbolçularından birinə çevrilib.

Qeyd: 2024/25 mövsümündə Alvares bütün turnirlərdə 57 oyuna çıxaraq 29 qol vurub və 8 məhsuldar ötürmə verib.