İngiltərə Premyer Liqasının 5-ci turunda "Liverpul" öz meydanında "Everton"la qarşılaşdı.
90plus.az xəbər verir ki, "Enfild" stadionunda keçirilən Mersisayd derbisində meydan sahibləri "Liverpul" ilk yarıda vurduğu qollarla oyunu 2-1 hesabı ilə qazandı və ardıcıl 5-ci qələbəsini əldə etdi.
Oyunun 10-cu dəqiqəsində "Liverpul"un ulduz futbolçusu Rayan Qravenberx hesabı açdı. 19 dəqiqə sonra isə "Everton"un yeni transferi Huqo Ekitike ikinci qolu vuraraq hesabı 2-0-ə gətirdi.
İlk yarı bu hesabla başa çatdı. İkinci hissədə, 58-ci dəqiqədə "Everton"un futbolçusu Idrissa Qeye fərqi azaldaraq hesabı 2-1 etdi. Qalan vaxt ərzində hesab dəyişmədi və "Liverpul" qələbə qazandı.
Bu nəticə ilə "Liverpul" turnir cədvəlində 15 xala yüksələrək 5 turda 5 qalibiyyət əldə etdi. David Moyesun çalışdırdığı "Everton" isə bu mövsüm ikinci məğlubiyyətini alaraq 7 xalda qaldı.
Rayan Qravenberx tarixi nəticəyə imza atdı
"Liverpul"un gənc ulduzu Rayan Qravenberx həm ilk qolun müəllifi oldu, həm də ikinci qolun asistini verdi. Opta statistikasına görə, Qravenberx "Liverpul" forması ilə Mersisayd derbilərində həm qol vuran, həm də assist edən ən gənc futbolçu kimi tarixə düşdü.
