“Liverpul” İbrahima Konateyə qarşı irqi təhqirlərə sərt reaksiya verdi.

90plus.az xəbər verir ki, “Liverpul” klubu sosial mediada müdafiəçi İbrahima Konateyə yönəlmiş irqi təhqirlərə görə dərin narazılıq və etirazını açıqlayıb.

Rəsmi bəyanatda qeyd olunub ki, bu cür davranış qəbuledilməzdir:

“Bu, insanlığa yaraşmayan, qorxaq və nifrətə əsaslanan hərəkətdir. Futbolda, cəmiyyətdə və ümumiyyətlə heç yerdə irqçilik üçün yer yoxdur — həm onlayn, həm də oflayn. Bizim oyunçularımız hədəf deyil, onlar insanlardır.”

Klub vurğulayıb ki, anonim hesablar arxasında yayılan təhqirlər futbola və sosial media platformalarına ləkədir:

“Bütün futbol birləşərək açıq və kompromissiz deməlidir ki, bu qəbuledilməzdir. Tənqid və söz kifayət deyil. Sosial media şirkətləri məsuliyyət götürməli və dərhal hərəkət etməlidir.”

“Liverpul” bildirib ki, bu platformalar bu cür təhqirlərin qarşısını almaq üçün texnologiya və resurslara malikdir, lakin çox vaxt bunu etmirlər. Nəticədə irqi nifrət yayılar və oyunçular, ailələr və futbol icmaları zərər görür.

Klub Konateyə tam dəstək verəcəyini və mümkün olduqda məsul şəxslərin müəyyənləşdirilməsi üçün aidiyyəti qurumlarla əməkdaşlıq edəcəyini əlavə edib.

Bəyanatda vurğulanır ki, vəziyyətin davam etməsinə imkan vermək olmaz: “Bu problem təkcə sabah deyil, indi həll olunmalıdır, qarşısı alınmalı və tamamilə aradan qaldırılmalıdır.”