“Liverpul” Jeremi Jake transferini rəsmiləşdirməyə yaxındır.
90plus.az xəbər verir ki, İngiltərə Premyer Liqa klubu “Liverpul” "Renn” formasını geyinən Jeremi Jakeni heyətinə qatmağa hazırlaşır. Gənc futbolçunun transferi üçün tərəflər razılığa gəlib və Jakenin mövsüm sonunda İngiltərə klubuna qoşulacağı gözlənilir.
BBC-də yer alan xəbərə görə, 20 yaşlı müdafiəçinin transferi üçün “Liverpul” 55 milyon funt sterlinq və əlavə olaraq 5 milyon funt sterlinq bonus ödəyəcək. Jake cari mövsüm “Renn”də çıxış etməyə davam edəcək və yazda İngiltərə klubuna qatılacaq. Gənc futbolçunun tibbi yoxlamalardan keçmək üçün İngiltərəyə gedəcəyi bildirilib.
“Liverpul” ötən yay transfer dövrünün son günündə Mark Qehi üçün də maraq göstərmiş, lakin “Kristal Pelas” ayrılığa razılıq verməmişdi. Bu transfer, klubun stoper rotasiyasını gücləndirmək məqsədini daşıyır; çünki İbrahim Konatenin müqaviləsi mövsüm sonunda bitir, Vircil Van Deyk isə müqaviləsinin son ilinə daxil olur və digər stoperlər arasında zədələr mövcuddur.
