"Liverpul"un mərkəz müdafiəçisi Vircil van Deyk yayda "Real Madrid"ə keçəcəyi ilə bağlı yayılan informasiyalara münasibət bildirib.

90plus.az xəbər verir ki, Niderland millisinin təcrübəli futbolçusunun ona ünvanlanan suala verdiyi cavabı "El Chiringuito" belə çatdırıb:

"Real"a keçəcəyim doğrudurmu? Bu suala cavab verə bilməyəcəm".

33 yaşlı van Deyk 2018-ci ildən "Liverpul"un uğurları üçün çalışır. O vaxtdan bəri 287 matçda "qırmızılar"ın formasını geyinən arxa xətt oyunçusu 25 qol və 13 məhsuldar ötürmə ilə yadda qalıb. "Transfermarkt" portalı onun transfer qiymətini 30 milyon avro ilə dəyərləndirir.

Xatırladaq ki, noyabrın 27-də Çempionlar Liqasının Liqa mərhələsinin 5-ci turu çərçivəsində "Real"ı qəbul edən "Liverpul" 2:0 hesablı qələbə qazanıb.