“Ağır gecə idi” Co Qomez “Liverpool Echo”ya açıqlamasında “Liverpul”un İstanbulda “Qalatasaray”a 0:1 hesablı məğlubiyyətini şərh edərkən bildirib.

90plus.az xəbər verir ki, 28 yaşlı ingilis müdafiəçi bunları deyib:

“Matça yaxşı başladıq və erkən mərhələdə bir neçə yaxşı qol imkanı yaratdıq. Amma onları dəyərləndirə bilmədik, sonra isə standart vəziyyətdən qol buraxdıq.

Bu qol onlara daha çox enerji verdi və stadiondakı atmosferi daha da qızışdırdı. Bundan sonra oyunumuzu yenidən axarına sala bilmədik. Amma müsbət məqamları da götürməliyik. Yenə də kifayət qədər imkan yaratdıq və düşünürəm ki, ‘Enfild’də fərqli oyun olacaq. Qarşılaşma hələ bitməyib, sadəcə fasilədir.

Heç birimiz bunun təsirini inkar etmərik. Çətindir. Bir-birimizi eşitmək olmur, baş məşqçini də eşitmək mümkün deyil. Topa nəzarət zamanı sakit qalmaq baxımından bunun təsiri olur.

Onlar bizim üçün işi çətinləşdirdilər, amma bizim azarkeşlər də onlar üçün bunu edə bilər. Bunun sənin tərəfində olmasının necə hiss olduğunu bilirik və gələn həftə bu üstünlük bizdə olacaq”.

Qeyd: “Liverpul” ilk oyunda bir top fərqi ilə (0:1) məğlub olsa da, Çempionlar Liqasının 1/4 finalına yüksəlmək üçün hələ də real şanslarını qoruyur.