İspaniyanın "Real" klubunun xorvatiyalı futbolçusu Luka Modriç Madrid derbilərində iştirak sayına görə hamını geridə qoyub.
90plus.az xəbər verir ki, 39 yaşlı yarımmüdafiəçi La Liqanın 23-cü turunda "Atletiko"ya qarşı keçirilən görüşdə (1:1) iştirak etməklə rekorda nail olub.
Modriç Madrid derbisində 40-cı dəfə meydana çıxaraq "Real"ın sabiq hücumçusu Kərim Benzemanı (39 oyun) ötüb-keçib və klub tarixində bu göstərici üzrə lider olub.
Madrid derbilərində iştirak sayına görə ilk beşlik belədir:
1. Luka Modriç – 40 oyun
2. Kərim Benzema – 39 oyun
3. Toni Kroos – 33 oyun
4. Yan Oblak – 32 oyun
5. Kriştianu Ronaldu və Antuan Qrizmann – hər ikisi 31 oyun
Bu göstərici Modriçin "Real" karyerasında nə qədər vacib fiqura çevrildiyini bir daha sübut edir.
