TƏCİLİ: “Mançester Yunayted”də üsyan — azarkeşlər rəhbərliyə etimadsızlıq səsverməsi tələb edir.

90plus.az xəbər verir ki, “Mançester Yunayted” azarkeşləri klubun idarə olunmasına qarşı açıq müharibəyə başlayıb. İngiltərə nəhənginin tərəfdarları klub sahiblərinə — Ser Cim Ratkliff və Qleyzer ailəsinə qarşı etimadsızlıq səsverməsi tələb edir və genişmiqyaslı etiraz aksiyalarına hazırlaşır.

Azarkeşlərin qəzəbi son aylarda verilən qərarlar və ard-arda gələn uğursuz nəticələr fonunda pik həddə çatıb. Xüsusilə Ruben Amorimin qovulması rəhbərliyə qarşı narazılığı daha da alovlandırıb. Tərəfdarlar hesab edir ki, problemin kökü meydanda yox, yuxarı mərtəbələrdədir.

Məlumata görə, böyük bir azarkeş qrupu artıq təşkilatlanmağa başlayıb:

• etiraz yürüşləri planlaşdırılır
• klub sahiblərinə qarşı rəsmi prosedurlar hazırlanır
• rəhbərliyin hesabat verməsi açıq şəkildə tələb olunur

Azarkeşlərin mesajı açıq və sərtdir:

“Klub yanlış idarə olunur və bunun məsuliyyətini sahiblər daşıyır.”

“Mançester Yunayted”də baş verənlər klub tarixində yeni bir gərginlik mərhələsinin başladığını göstərir. Etirazların yaxın günlərdə daha da böyüyəcəyi istisna edilmir.

🔗 Mənbə: speedlinexx