"Mançester Siti"nin baş məşqçisi Pep Quardiola Çempionlar Liqasının "Bodo/Qlimt" ilə matçı öncəsi Fil Foden və Erling Haalandın durumunu açıqlayıb.

90plus.az xəbər verir ki, son həftə keçirilən "Mançester" derbisində Foden zədələnərək ilk hissədə əvəzlənmişdi. Quardiola bildirib ki, oyunçuda kiçik sümük zədəsi yaranıb, lakin sabahkı görüş üçün o, problem yaşamayacaq.

"Onun bir az sümüyü zədələnib, amma qoruyucu tədbir alınıb və sabahkı oyun üçün vəziyyəti yaxşıdır," – Quardiola deyib.

Baş məşqçi Haalandın durumuna da əminlik verib: "O mənə dedi ki, inanılmaz dərəcədə yaxşı yatıb. Ona görə də o, sabahkı oyuna tam hazırdır," – Quardiola əlavə edib.