"Mançester Yunayted"də oynamaq şansı tapmayan Zirkzee qış transfer pəncərəsində ayrılmaq istəyir.

90plus.az xəbər verir ki, "Mançester Yunayted"in hücumçusu Coşua Zirkzee komanda ilə mövsümə çətin start verdikdən sonra yanvar ayında klubdan ayrılmağı düşünür. "Daily Mail"in məlumatına görə, hollandiyalı futbolçu artıq potensial təklifləri qiymətləndirməyə başlayıb.

24 yaşlı futbolçu, Premyer Liqada "Sanderlend"ə qarşı 2:0 hesabı ilə qalib gəldikləri oyunda ehtiyat oyunçular skamyasından kənara çıxmayıb. Bu, cari mövsümdə son yeddi çempionat matçında dördüncü dəfədir ki, meydana çıxmır.

Zirkzeenin əsas heyətdə şans qazanmaqda çətinlik çəkməsi onun milli komanda perspektivlərinə də mənfi təsir göstərib. O, artıq Niderlandın Malta və Finlandiyaya qarşı keçiriləcək seçmə oyunlarının heyətindən kənarda qalıb.

Yay transfer pəncərəsində "Napoli" hollandiyalı hücumçunu transfer etmək üçün ciddi cəhdlər göstərmişdi. Lakin "Mançester Yunayted" bu keçidə icazə vermədi və nəticədə italiyanlar diqqətini Rasmus Hoylunda yönəldərək onu icarəyə götürdülər. "Yuventus" da Zirkzee ilə maraqlanırdı, həmçinin "PSV Eyndhoven" oyunçunu Erediviziyaya qaytarmaq istəyirdi.

Hazırda əsas heyətə düşməkdə çətinlik çəkən Zirkzee üçün yanvar ayında transfer reallaşması həm klubu tərk etməsi, həm də millidəki yerini qoruması baxımından həlledici ola bilər.