Sabiq ingilis hücumçu, bir vaxtlar "Liverpul" forması geyinən Maykl Ouen Mo Salahın tənqidi açıqlamalarına reaksiya verdi.
90plus.az xəbər verir ki, İngiltərə futbolunun əfsanələrindən biri sayılan Maykl Ouen son günlər komanda daxilində narazılıq yaratdığı iddia olunan Mo Salahın çıxışı barədə fikir bildirib. Misirli ulduz baş məşqçi Arne Slotu açıq şəkildə tənqid edərək komandadakı rolundan narazı olduğunu demişdi. O, ardıcıl üç matçda start heyətinə salınmayıb, daha sonra isə Çempionlar Liqasında “İnter”ə qarşı oyunun iştirak ərizəsinə daxil edilməyib.
Ouen Salahın sözlərinə həm anlayış, həm də tənqidi yanaşma sərgiləyib:
“Ah, Mo Salah… Nələr hiss etdiyini başa düşmək olur. Bu komandaya uzun illər böyük töhfə verdin və qazanıla bilən hər şeyi qazandın. Amma bu, komanda oyunudur və belə fikirləri açıq şəkildə demək düzgün deyil. Bir həftə sonra Afrika Millətlər Kubokuna gedirsən. Adətən bir az gözləyib ölkəni təmsil etməyin dadını çıxarmaq, qayıdandan sonra vəziyyəti dəyərləndirmək daha doğru olmazdımı?”
Salahın Slotla münasibətlərində yaranan gərginliyin nə qədər davam edəcəyi hələlik məlum deyil. Misir millisinin kapitanı yaxın günlərdə AFCON üçün komandasına qoşulacaq və bu müddətdə klubdakı vəziyyətin necə dəyişəcəyi maraqla gözlənilir.
Mo Salahın “Liverpul”da hər mövsüm göstəriciləri:
▪️ 2017/18 ⚽️ 44 qol 🅰️ 16 assist
▪️ 2018/19 ⚽️ 27 qol 🅰️ 10 assist
▪️ 2019/20 ⚽️ 23 qol 🅰️ 13 assist
▪️ 2020/21 ⚽️ 31 qol 🅰️ 6 assist
▪️ 2021/22 ⚽️ 31 qol 🅰️ 15 assist
▪️ 2022/23 ⚽️ 30 qol 🅰️ 16 assist
▪️ 2023/24 ⚽️ 25 qol 🅰️ 14 assist
▪️ 2024/25 ⚽️ 34 qol 🅰️ 23 assist
