PSJ-nin keçmiş hücumçusu və ötən yay "Real Madrid"ə keçən Kilian Mbappe 2023-cü ildə klub tərəfindən psixoloji təzyiqə məruz qaldığını və bu səbəbdən yeni müqavilə imzalamağa məcbur edildiyini iddia etmişdi.
90plus.az xəbər verir ki, həmin vaxt futbolçu müvəqqəti olaraq əsas komandadan kənarlaşdırılmışdı. Bu məsələ iyun ayının sonunda rəsmi araşdırmaya səbəb olmuşdu. Mbappe Paris təmsilçisinə qarşı verdiyi şikayəti geri çəkib.
Bununla yanaşı, PSJ-nin futbolçuya olan 55 milyon avroluq borcu ilə bağlı məhkəmə prosesi isə hələ davam edir.
Mbappe və nümayəndələrinin əsas məqsədi hüquqi problemləri tezliklə yoluna qoyaraq onun yalnız futbola köklənməsini təmin etməkdir.
