“İnter Mayami”nin həmsahibi Jorge Mas Şimali Amerika Liqa kubokunun “Atlanta” ilə matçından sonra (4:0) maraqlı açıqlama verib. 90plus.az “The Guardian”-a istinadən xəbər verir ki, o, Lionel Messinin Mayami təmsilçisinə keçməsindən sonra ABŞ-da futbolun iki hissəyə bölündüyünü söyləyib: “Həmin təsnifat belədir: Messinin transferindən öncə ABŞ futbolu və Messinin transferindən sonra ABŞ futbolu”. Argentinalı futbolçu “Atlanta” ilə matçda dubla imza atıb və komandasının qələbə qazanmasında böyük pay sahibi olub. Digər iki qolu isə Robert Teylor vurub. Messi iyulun 15-də azad agent kimi “İnter Mayami”yə keçib. O, ABŞ klubu ilə 2025-ci ilin sonuna qədər nəzərdə tutulan müqavilə imzalayıb.